اردو زبان کی ترویج و اشاعت کے بارے میں بہت بلند بانگ دعوے کئے جاتے ہیں۔ لیکن جب عملی اقدامات کی بات آتی ہے تو فکر و نظر محض ادبی و تفریحی پروگرامس تک محدود ہو کر رہ جاتی ہے۔ بچوں کے ادب کے بارے میں تو عملی اقدامات شاذ و نادر ہی ملیں گے۔
حیدرآبادی نوجوان قلمکار سید مکرم نیاز نے عصر حاضر کی نوعمر و نوجوان نسل کو اردو کی جانب راغب کرنے اور ان کی تعلیم و تربیت کے لیے انٹرنیٹ پر اردو زبان میں کارٹون اور کامکس کی ویب سائٹ www.urdukidzcartoon.com کا اجراء کیا۔۔۔
کارٹونی کہانیوں میں بچوں کی فطری دلچسپی کے باعث ، یہ ویب سائیٹ انہیں رنگوں اور الفاظ کی شناخت ، گفتگو کا سلیقہ ، ذخیرۂ الفاظ میں اضافہ ، مطالعہ کی جستجو ، علم کی طلب ، اخلاق و کردار کی درستگی ، نیک و بد کی پہچان ، دوست احباب سے سماجی روابط کی برقراری ، فرصت کے وقت کا بہتر استعمال ۔۔۔ جیسے بےشمار مرحلوں سے گزارتے ہوئے ان کی فطری صلاحیتوں کو ابھارتی ہے۔
مزید تفصیل : یہاں
بہت خوب ۔۔۔ ایک عمدہ کاوش ہے۔ مگر میں سمجھتا ہوں کہ بچوں کے لیے کامکس اور انکے کردار مقامی ہونے چاہیں۔
جواب دیںحذف کریںویب سائیٹ پر تشریف آوری کا بہت شکریہ ڈاکٹر صاحب
جواب دیںحذف کریںآپ کی رائے سے اتفاق ہے۔ مگر مسئلہ تو یہی ہے کہ اردو زبان کے کارٹونسٹ اب نہیں کے برابر رہ گئے ہیں۔ مجھے پاکستان کا تو علم نہیں لیکن ہندوستان میں کارٹون / کامکس کے اس شعبہ پر اب زیادہ تر اثرات ہندی اور انگریزی کے ہیں۔ اردو تقریباً ختم ہے۔ اسی لیے ترجمے سے کام چلایا جا رہا ہے۔